सूरदास

सूरसागर

उद्धव मथुरा प्रत्यागमन तथा कृष्ण उद्धव संवाद

सुनहु स्याम वै सब ब्रज-बनिता बिरह तुम्हारैं भईं बावरी |
नाहीं बात और कहि आवति , छाँड़ि जहाँ लगि कथा रावरी |
कबहुँ कहतिं हरि माखन खायौ, कौन बसै या कठिन गाँव री |
कबहुँ कहतिं हरि ऊखल बाँधे, घर-घर ते लै चलौ दाँवरी ||
कबहुँ कहतिं ब्रजनाथ बन गए, जोवत-मग भई दृष्टि झाँवरी |
कबहुँ कहतिं वा मुरली महियाँ लै-लै बोलत हमरौ नाव री ||
कबहुँ कहतिं ब्रजनाथ साथ तैं, चंद उयौ है इहै ठाँव री |
सूरदास प्रभु तुम्हरे दरस बिनु, बवह मूरति भईं साँवरी ||170