सूरदास

सूरसागर

उद्धव मथुरा प्रत्यागमन तथा कृष्ण उद्धव संवाद

     कोऊ सुनत न बात हमारी |
मानैं कहा जोग जादवपति, प्रगट प्रेम ब्रजनारी ||
कोऊ कहतिं हरि गए कुंज बन, सैन धाम वै देत |
कोऊ कहतिं हरि गए कुंज बन, सैन धाम वै देत |
कोऊ कहतिं इंद्र बरषा तकि, गिरि गोबर्धन लेत ||
कोउ कहतिं नाग काली सुनि, हरि गए जमुना तीर |
कोऊ कहतिं अघासुर मारन, गए संग बलबीर ||
कोऊ कहत ग्वाल बालनि सँग, खेलत बनहिं लिकाने |
सूर सुमिरि गुन णाथ तुम्हारे, कोऊ कह्यो न माने ||178||